Мурињо со трансфер совет до Реал Мадрид: Сите зборуваат за Јамал, но јас преферирам друг играч

Жозе Мурињо не пропушта шанса да испорача интересни изјави пред новинарите на секоја прес-конференција која ја води во Европа, па така е случајот и пред пресметката на неговиот Фенербахче со Атлетик Билбао.

Португалскиот стручњак е свесен за офанзивниот потенцијал кој го поседува шпанскиот ривал и посебен акцент стави на еден фудбалер, кој всушност за него е еден од најдобрите во Ла Лига.

Мурињо откри дека посебно го сака и цени Нико Вилијамс, крилен фудбалер кој за него е подобар и покомплетен од Ламин Јамал.

– Нико е прекрасен играч, навистина е извонреден. На последното Европско првенство, сите зборуваа за Јамал. Сите велеа само Јамал, Јамал.

– Тој е фантастичен млад играч, но за мене лично, Нико е подобар. Јас го преферирам Нико, тој е извонреден во секој поглед. Не може никој да се надева дека тој би потпишал за турски клуб, јас лично се надевам дека ќе заврши во Реал Мадрид, – изјави Мурињо.