Мурињо со низа пофалби за еден играч кој се уште е недоречен во Реал: Тој е посебна класа

Жозе Мурињо првпат во кариерата работи во Турција и полека ја запознава фудбалската култура во оваа земја, која изминативе две сезони стана доста популарна и поради Арда Ѓулер.

Суперталентот кој направи трансфер во Реал Мадрид брзо го сврте вниманието на себе и неговите партии привлекуваат големо внимание во турската јавност, па Жозе сега доби шанса да го коментира фудбалскиот вунеркинд за кој тој смета дека е „посебна класа“.

Португалскиот стручњак знае дека во Реал Мадрид не се остава ништо на случајноста, па чим стигна да игра за првиот тим на „кралевите“, дефинитивно станува збор за вонсериски потенцијал.

– Арда за своја возраст веќе покажува голема карактер и демонстрираше дека е посебна класа. Во Реал Мадрид не може да игра било кој играч. За да го носите тој дрес, не може да си дозволите луксуз да бидете исплашени.

– Реал Мадрид е најголемиот клуб во светот и секогаш на теренот ги имал најдобрите 10 играчи во поле, тоа се играчи со најголем светски потенцијал. Анчелоти е голем тренер и Арда треба само да го слуша и да учи од него, – вели Мурињо за „ХТ Спор“.