Мурињо се исмева за фудбалскиот скандал во Турција: Повикајте полиција (Видео)

Натпреварот меѓу Галатасарај и Адана Демирспор не го дочека својот крај и гостинските фудбалери решија да го напуштат теренот по 32 минути игра, сето тоа како последица на непостоечкиот пенал кој беше досуден за Галатасарај во раната фаза на првиот дел.

Ова сценарио направи да видиме еден фудбалски циркус кој доби размер на скандал во Турција, па токму поради тоа, во втор план се најде и дебитантскиот гол на Алваро Мората во Суперлигата.

Турската Федерација допрва ќе одлучува каков епилог ќе има недоиграниот меч, но во меѓувреме, масло на огнот додава легендарниот Жозе Мурињо.

Португалецот во повеќе наврати велеше дека тој со неговиот Фенербахче се бори против Галатасарај, но и цел судиски систем во Турција, па по последните случувања, реши да фаќа сеир на социјалните мрежи.

„Специјалниот“ го сподели видеото од смешниот пенал кој беше досуден за Мертенс, па во продолжение објави и видео во кое тој ја слуша песната „Повикајте полиција“.

View this post on Instagram

A post shared by Jose Mourinho (@josemourinho)