Мурињо: Роналдо може да дојде во Истанбул само за една работа

Дел од турските медиуми шпекулираа дека Кристијано Роналдо би можел да му се придружи на Жозе Мурињо во Фенербахче, а според тоа сценарио големата ѕвезда би ја прифатила поканата на својот сонародник по истекот на договорот со Ал Наср.

Сепак, Мурињо само шеговито одговорил на наводите за вака атрактивно сценарио за составот од Истанбул, потенцирајќи дека Роналдо може само да му биде гостин во турската метропола.

– Информацијата која ги поврзува Роналдо и Фенербахче е смешна.

– Кристијано може да дојде во Истанбул само на ручек, бидејќи му е на половина пат меѓу Саудиска Арабија и Португалија.

– Може да дојде и да го види стариот пријател Жозе, а тој да го чести ручек во хотелот во кој престојува, – рекол Мурињо.