Мурињо: Рома е голем клуб и кога не победува

Жозе Мурињо првпат зборувал пред медиумите по конфликтот со судијата Марко Сера на дуелот со Кремонезе, испраќајќи моќна порака до фановите на актуелниот клуб Рома.

Португалецот смета дека Рома е голем клуб без разлика на резултатите и уште еднаш ја истакнал својата благодарност кон фановите на „волчицата“.

– Најлесен начин да дефинираш голем клуб е поради освојување некој важен трофеј, но исто така има и големи клубови кои не победуваат, но се големи поради поддршката од фановите и нивното позитивно влијание на општеството.

– Во Рома постои тоа чувство на среќа кога ќе победиме и тага кога ќе загубиме, но секогаш остануваме заедно. Тоа е вредност која ја има една фамилија.

– Јас сум тој кој треба да им заблагодари на фановите за тоа што ми го даваат. Таа емпатија и чувство на припадност ми значат многу, – изјавил Мурињо во обраќањето во разговорот со кардинал во еден римски универзитет.