Мурињо: Овој Баерн ме потсетува на мојот Интер од пред десет години

Баерн Минхен во недела ќе се соочи со ПСЖ во финалето на Лигата на шампионите, а за германскиот тим ова ќе биде обид да стигне до шестата европска титула.

Во пресрет на финалето во Лисабон, свој коментар за игрите на Баварците дал и Жозе Мурињо кој во едно телевизиско гостување зборувал на оваа тема, потсетувајќи се на финалето во 2010 година, кога неговиот Интер го совлада токму Баерн.

– Тоа беше навистина одамна, мислам дека Томас Милер е единствениот „преживеан“ од тој дуел.

– Ние се чувствувавме непобедливи, имавме одлична серија, исто како Баерн сезонава.

– Тие постигнаа многу голови, играат офанзивен фудбал со многу трчање, им помага и тоа што Бундеслигата беше прва лига која продолжи по паузата поради коронавирусот. Тоа е многу важно за подготовката и темпирање на формата за турнирот во ЛШ и ова финале, – изјавил Мурињо.