Мурињо „отвори фронт“ со Гвардиола: Јас моите титули ги освоив фер и чесно…

Пеп Гвардиола „ги поздрави“ навивачите на Ливерпул со шест прста (алудирајќи на титулите во Премиер лигата) и покрај тоа што неговиот Манчестер Сити го загуби дербито на „Енфилд Роуд“.

Тоа беше одговорот на стратегот за скандирањата, песната на домашните фанови дека Шпанецот ќе биде отпуштин изутрина. Новинарите ја искористија оваа ситуација да го споредат Пеп со Жозе Мурињо кој во минатото имаше сличен гест, поточно повлекоа паралела и прашаа дали ова можеби е почеток на крајот како што беше со Португалецот.

-Се надевам дека со мене нема да биде таков случај. Во некои ситуации, јас и Мурињо сме слични на некој начин. Сепак, тој осови три титули во Премиер лигата, а јас освоив шест. Има разлика, -одговори Гвардиола пред неколку дена, зборови кои доопреа до Жозе кој одговори во негов стил.

Пеп за провокацијата до Ливерпул во стилот на Мурињо: Јас освоив шест титули, а Жозе три (Видео)

-Гвардиола ме спомена. Тој освои шест трофеи, јас три, но јас ги освив фер и чисто. Ако загубив, сакам да му честитам на противникот бидејќи беше подобар од мене. Не сакам да победам со 150 судски процеси, -истакнал предводникот на Фенербахче.

Жозе зборува за процесот против Сити, 115. обвиненија за прекршување на финансискиот фер плеј.