Мурињо откри зошто не се појави на пресот по дербито: Никогаш не сум се плашел од новинарите

Фенербахче во саботата загуби од Галатасарај во големото турско дерби, а Жозе Мурињо не се појавил на официјалната прес-конференција по натпреварот.

Тренерот на Фенер неколку дена подоцна морал да ја објаснува ситуацијата, напоменувајќи дека се почувствувал навредено од односот на домаќините и затоа решил да ја пропушти средбата со новинарите.

– 24 години сум во фудбалот и никогаш не сум побегнал од прес-конференција, посебно по пораз.

– Никогаш не сум се плашел од новинарите, од прашање или од учество на прес, па не планирам да го променам тоа ни во оваа земја.

– Отсуството не беше поврзано со резултатот, туку со она што е коректно или некоректно. Сум чекал 15, 20, 30 минути за да се појавам на прес-конференција, но 70 минути е премногу. Се извинувам, но тоа е непочитување и јас така се почувствував, – рекол Мурињо.