Поврзете се со нас

Италија

Мурињо: Не чувствувам поврзаност само со еден поранешен клуб

Објавено

на

https://twitter.com/OfficialASRoma

Жозе Мурињо ја подготвува Рома за завршните натпревари сезонава, а најважен дуел за „волчицата“ сега е финалето на Лига Европа и пресметката со Севилја во Будимпешта.

Португалецот денеска зборувал пред медиумите на разни теми, а го опфатил и своето минато, односно соработката со голем број елитни европски клубови. Потенцирал дека останал фан на сите клубови во кои работел, а поврзаност не чувствува само за еден премиерлигашки клуб.

– Се надевам дека навивачите нема да ми ги протолкуваат зборовите погрешно, но единствен поранешен клуб со кој не чувствувам блискост е Тотенхем.

– Веројатно е така затоа што стадионот беше празен поради пандемијата или можеби поради тоа што претседателот Леви не ми дозволи да го водам тимот во финале и да освојам трофеј.

– Со сите останати клубови, Порто, Челси, Интер, Реал Мадрид и Манчестер Јунајтед останувам со специјална конекција. Тоа е затоа што луѓето не се глупави, тие знаат дека се борам за клубот во кој работам, навивачите знаат дека работам секојдневно за доброто на тимот во кој сум, – рекол Мурињо.

Реклама
Реклама
Реклама

Популарни