Мурињо како Роналдо: Му пречеше шише на пресот, но не доби дозвола да го тргне (Видео)

Криситјано Роналдо стана вирален хит на Европското првенство кое се одигра минатата година, кога направи класична анти-реклама за главниот спонзор на турнирот.

Португалецот тргна шише Кока-Кола од прес масата и посочи дека луѓето треба да пијат вода, па набрзо следеа милиони мемиња кои станаа вирални на социјалните мрежи.

Речиси една година подоцна, уште еден Португалецот имаше проблем со едно шише на денешниот прес, а станува збор за Жозе Мурињо кој сепак не направи анти реклама.

Португалецот беше незадоволен од големината на шишето кое беше поставено пред него, па откако дозна дека нема дозвола да го тргне, се помири и го одработи обраќањето во целост.

– Мора ли да стои шишето тука? Многу е големо, – порача Мурињо пред прес-конференцијата која беше одржана како најава за првенствениот меч меѓу Рома и Венеција.