Мурињо ја затвора вратата за Португалецот: Не го сакам Роналдо

Жозе Мурињо во изминативе 48 часа навлезе во вербалната војна со Пеп Гвардиола и не пропушти да му испорача „отровна стрела“ на својот колега, но за време на средбата со турските новинари, Португалецот уште еднаш ги демантирал шпекулациите кои станаа актуелни пред две недели.

Дел од турските медиуми пишуваа за можна сензационална соработка меѓу Мурињо и Роналдо во Фенербахче, но Жозе сега уште еднаш негираше вакво можно сценарио и целосно ја затвори вратата за својот сонародник.

– Кристијано нема да дојде во Турција. Главна причина за тоа е што веќе имам тројца добри напаѓачи и не ми е потребен уште еден.

– Кристијано е Кристијано, но не го сакам во овој момент, задоволен сум од напаѓачите кои ги имам. Тој е во Саудиска Арабија и заработува голема сума на пари, а си постави и цел да постигне 1000 голови во кариерата.

– Што би го мотивирало да дојде тука, освен убавината на Истанбул како град ? Инаку, јас не сум тренер кој обожава да купува во зимскиот преоден рок. На играчите им треба време да се прилагодат и потешко е да се адаптирате во еден тим на средина на сезона. Јас нема да одбијам трансфер во јануари, но нема да тропам на врата и да барам нови играчи од управата, – вели Мурињо.