Мурињо и Фенербахче потклекнаа во Истанбул, потоп на балканските екипи во ЛШ

Фенербахче на драматичен начин, со автогол на Диаките во 91. минута избори продолжение од 30 минути против Лил, но на крајот уште подраматично беше елиминиран од квалификациите за Лигата на шампионите.

Турскиот претставник посакуваше да се најде во првата сезона со нов формат на ЛШ, но и Жозе Мурињо на тренерската позиција не можеше да обезбеди место во плејофот, по што Фенер ќе мора да се задоволи со настап во Лига Европа.

Лил доби пенал во завршните минути од продолжението и со резултат 1:1 се најде во плејофот, пред се поради победата на првата средба во Франција.

Jonathan David sends Mourinho’s Fenerbahçe out!pic.twitter.com/34gPrFkVY9

— PushGoals (@PushGoals) August 13, 2024

Целосен потоп доживеаја балканските претставници во оваа фаза, при што бугарски Лудогорец загуби дома од Карабах со 2:7, романски ФЦСБ беше поразен од Спарта Прага со 2:3, а голем шок доживеаја и фановите на ПАОК во Солун.

Малме успеа во судиското надополнување да стигне до среќен гол за 3:3 и обезбеди продолжение, а во него успеа да погоди во 99. минута за конечни 3:4.