Мурињо и Фенербахче го тужат Галатасарај поради обвинувањето за расизам

Жозе Мурињо постојано е во фокусот на јавноста откако го презема Фенербахче, а веќе навлезе и во сериозен конфликт со најголемиот ривал Галатасарај.

Изјавата на Португалецот дадена по последното градско дерби предизвика жестока реакција од таборот на Галата, чии челници коментарот дека „фудбалерите од клупата скокале како мајмуни“ беше протолкувана како расистичка навреда.

Мурињо веќе заработи суспензија на четири натпревари од федерацијата, но очигледно сериозно се налути за целата ситуација, па Фенербахче потврди дека поднесува тужба против Галатасарај за таквото обвинување за својот тренер.

– Сакаме да ја информираме јавноста дека е поднесена тужба за нападот на личните права на нашиот тренер Жозе Мурињо и поднесено е барање за отштета од 1.907.000 лири, – стои во соопштението на Фенербахче.

Сумата е нешто повеќе од 50.000 евра, а претпоставката е дека е избрана симболично поради фактот што Фенер е основан во 1907 година.

Мурињо во меѓувреме, покрај суспензијата, ќе треба да плати казна и од нешто повеќе од 40.000 евра кон федерацијата.