Мурињо го избра најголемиот менаџерски подвиг во ПЛ: Секоја чест за Ферги и Пеп, но…

Жозе Мурињо го привлече вниманието со интересни одговори во свој стил во гостувањето во подкастот на Оби Џон Микел, а посебно е впечатлив неговиот одговор за најголемото менаџерско име во Премиер лигата.

Португалецот и самиот работеше во Англија каде освојуваше и трофеи, но не може да се споредува со бројките на Алекс Фергусон и Пеп Гвардиола.

Во изборот за најдобар менаџер во историјата на натпреварувањето, Мурињо сепак истакнал друг стручњак.

– Не можете да ги споредувате Фергусон и Гвардиола, бидејќи не се споредуваат различни генерации.

– Двајцата се историски личности за Премиер лигата, но за мене најзначајна фигура за лигата е Клаудио Раниери.

– Човекот беше прв со Лестер, тоа беше најголемата работа што можеше да се случи во Премиер лигата. Титулите на Ферги и Пеп со Јунајтед и Сити се голема работа, но тоа не може да се спореди со подвигот на Раниери со Лестер. За мене, таа титула е најзначајна од се што сум видел во животот, – рекол Мурињо.