Мурињо ги издвои двете најголеми грешки во кариерата: Фудбалот е во раце на неспособни феномени!

Жозе Мурињо направи операција на жолчното ќесе и успешно се опоравува од хируршкиот зафат, но како и обично, „специјалниот“ и во вакви услови остана достапен за медиумите.

И покрај тоа што неговата етапа во Рома на крајот заврши доста неславно, Мурињо се уште има одличен однос со голем број италијански новинари, па затоа често се наоѓа на насловните страни како што е и во последниот ден од годината.

Ексклузивното интервју за „Кориере дело Спорт“ носи навистина интересни одговори од искусниот стручњак, кој за крај на 2024-та година реши да ги издвои двете најголеми грешки во долгогодишната кариера.

– Дали жалам за нешто во фудбалот? Жалам што го одбив Флорентино и што му кажав „НЕ“ после новата понуда која ми ја даде во Реал. Ми велеше да не си одам, дека сум го минал најтешкиоет период, но јас сакав да се вратам во Челси после три интензивни години и жестоки битки во Шпанија.

– Исто така, требаше да си заминам од Рома по финалето во Будимпешта со Севилја. Фудбалот е во раце на феномени кои се неспособни. Откако си заминав, повеќе не гледам ниту еден натпревар на Рома, но затоа ги гледам оние на Интер, – открива Мурињо.