Мурињо доживеа незгоден пораз, па им порача на ривалите: Не би славел премногу ако сум на нивно место

Фенербахче загуби со 1:3 од Глазгов Ренџерс на првиот дуел од осминафиналниот двомеч во Лига Европа, но Жозе Мурињо ги предупреди гостите да не претеруваат со славјето во пресрет на реваншот.

ВАР проверките му поништија два гола на шкотскиот тим поради минимален офсајд, па турскиот претставник помина добро во натпреварот на кој можеше да загуби и поубедливо, а Мурињо и неговите играчи ќе треба да коригираат многу работи ако сакаат да направат подвиг на реваншот.

– Според мене, резултатот е заслужена казна за нашето издание на теренот.

– Но, исто така, не сум убеден дека двомечот е решен. Ќе им порачам на противниците да не слават премногу, затоа што има реванш. Тоа е мој искрен совет.

– Ако прославуваат по вториот натпревар, јас ќе им честитам, но сега нека се смират бидејќи ништо не е завршено, – рекол Мурињо.