Поврзете се со нас

Англија

Мудрик ужасен во вториот натпревар за Челси, публиката го поздрави со свирежи

Објавено

на

Украинскиот репрезентативец и ново скапоцено засилување на Челси, Микајло Мудрјук имаше доста лошо деби од првата минута во новиот тим. Мудрик дебитираше за Челси на натпреварот со Ливерпул, но тогаш влезе од клупата за резервни фудбалери и остави прилично добар впечаток.

За разлика од тогаш, сега кога доби шанса од првата минута, не прикажа буквално ништо на теренот, а на полувремето доби и свирежи од домашната публика. Стратегот на „сините“, Грем Потер се реши да го извади фудбалерот уште на стартот на вториот дел и шанса му даде на уште едно ново засилување, Нони Мадуеке.

Инаку, по првите 45. минути, Мудрик  имаше статистика од нула удари кон голот, нула освоени фаули, нула креирани шанси, нула додавања во противничката половина, што беше доволно Потер да го повлече од игра.

– Дали треба да му свирите на засилување од 80 милиони фунти на полувреме? Тоа е храбро од навивачите, но дефинитивно нема да помогне на самодовербата на играчот, -изјави Гери Невил кој е стручен коментатор на овој натпревар.

За разлика од Мудрјук, Енцо Фернандес има безмалку перфектно деби, барем досега и игра без грешка. Има најмногу допири со топката (59) по првото полувреме, а има и стопостотна реализација на пасовите, од 45 доделил точни 45 од кои четири биле долги топки.

Реклама
Реклама
Реклама

Популарни