Му годи промената на средина: По МВП изданието, Антони го постигна и првиот гол во Ла Лига (Видео)

Бразилецот Антони си замина од Манчестер Јунајтед со цел да пронајде средина во која ќе биде доволно ценет, но и во која ќе добива минутажа на редовна база.

Крилниот напаѓач беше избран за МВП на првиот натпревар кој го одигра како член на Бетис, но по ремито со Атлетик Билбао, попладнево блесна и во Галиција.

Антони го отвори резултатот на натпреварот меѓу Селта Виго и Бетис со кој е отворена програмата во шпанската Ла Лига, а тоа го направи доста елегантно со пласирана топка во мрежата на противникот.

По се изгледа, промената на средината засега доста позитивно влијае врз Антони, кој во изминатиот период доживеа кошмарни месеци на „Олд Трафорд“.

Инаку, Бетис на полувреме замина со предност од 0:2, а вториот гол беше дело на Љоренте.

Видеото погледнете го ТУКА