Мото ГП и одзема бодови на Јамаха поради нерегуларности во моторот, возачите се спасија од сериозен удар

Во текот на денешниот ден беше пренесено дека светската мотоциклистичка Федерација има започнато истрага против Јамаха, откако биле доставени докази дека јапонската фабрика извела неколку недозволени промени на моторот на трката во Херез.

Сите мотоцикли на Јамаха имаа одредени проблеми со вентилите, но откако одговорните луѓе направиле неколку промени за да ги намалат штетите, го прекршиле правилникот на Мото ГП според кој не смеат да се прават драстични промени околу вентилите на моторот за време на сезоната.

Поради оваа сериозна истрага, се стравуавше дека сериозни казни ќе добијат и возачите кои се борат за шампионската титула, но сепак вечерва ФИМ и Мото ГП пренесоа дека мотоциклистите се извлекуваат од казна и нема да имаат намелени бодови.

Штетата ќе ја претрпи само Јамаха, на која ќе и бидат одземени 50 бодови во битката за титула во конструктори, Монстер Енерџи Јамаха како тим ќе остане без 20 поени, додека Петронас Јамаха без 37.

Ова е најповолна вест за Фабио Квартарато кој се бори за шампионската титула и има 14 бодови негатива во однос на Жоан Мир, па евентуално одземање на бодови ќе значеа сериозен удар за него во генералниот поредок.

Points deductions have been handed to @YamahaMotoGP and @sepangracing! 😱

Find out why, and what it means for both the Constructors and Teams Championships! 👇#EuropeanGP 🇪🇺 | 📰https://t.co/zgLFFkEPKy

— MotoGP™🏁 (@MotoGP) November 5, 2020