Мотивираниот ТФТ му зема мерка на МЗТ Скопје

МЗТ Скопје е многу ранлив во досегашниот дел на оваа сезона, а тоа вечерва го искористи и ТФТ кој му зема мерка на шампионот во соочувањето во СРЦ Кале.

Избраниците на Боро Смилковски славеа со 75:70 во меч во кој домаќините повеќе ја посакуваа победата, беа далеку помотивирани и заслужено дојдоа до осмо славе во деветтиот меч, односно им го нанесоа третиот пораз на „трковите“ во Првата лига.

Говенс со 24 поени, 7 скока и 5 асистенции беше лидер кај победничкиот тим, квалитетна поддршка пак беа Гафни, Николов и Зафиров кои реализираа по 14, 13 и 10 кошеви. На спротивната страна Војдан реализираше 13 кошеви, но дури осум од нив беа од пенал линијата.

Домашни триумфи во другите денешни средби остварија Гостивар и Кожув над Шкупи и Феникс.