Поврзете се со нас

Европски првенства

Мотивираната Словенија ја победи Данска и ќе се бори за петто место на ЕП

Објавено

на

Foto:twitter.com/EHFEURO

Словенија и дефинитивно е најдобрата балканска репрезентација на ова Европско првенство, нешто за што добивме потврда и на натпреварот од четвртото коло во втората фаза на шампионатот.

Избраниците на Зорман влегоа максимално мотивирано и агресиивно со фаворизираната Данска, но покрај тоа што брилјираа со пристапот, го искористија и фактот што ривалот немаше никаква причина да брка позитивен резултат.

Данска со убедливите изданија си го обезбеди првото место и пласманот во полуфиналето, па селекторот Јакосен реши да одмори играчи како Петлик и Лауге, а останатите не најдоа доволно мотив за да бркаат триумф по секоја цена.

Словенија ја најави победата уште во првите 30 минути во кои го диктираше темпото и кои ги доби со 17:14, но иако Данска се обиде да одговори и дури и поведе во твориот дел, завршницата сепак им припадна на словенечките ракометари.

Балканскиот тим победи со 28:25 и го освои третото место во својата група, што им носи борба за петто место на Европското првенство во Германија.

Реклама
Реклама
Реклама

Популарни