Мотив плус: Ракометарите ќе добијат 50.000 евра за пласман во втората фаза на ЕП

Македонската ракометна репрезентација е пред нов настап на големите натпреварувања и тоа на европскиот шампионат на кој домаќини Унгарија и Словачка.

Првенството започнува оваа недела и тоа од 13 и ќе трае до 30 јануари, а во пресрет на истото РФМ одлучи дополнително да го мотивира нашиот национален тим со премија од 50.000 евра.

Имено ако избраниците на Кирил Лазаров успеат да се пласираат во втората фаза тогаш ќе ја добијат оваа сума на пари. Предизвикот е голем со оглед на тоа што противници ни е Данска, Словенија и Црна Гора, а место во следната рунда обезбедуваат двете најдобри репрезентации.

Македонија го стартува ЕП со дуел против Словенија на 13 јануари, на 15 се соочуваме со Црна Гора, додека на 17 јануари ќе излеземе на мегдан со Данска.