Мота: Заслужено добив црвен картон од судијата Маркети

Јувентус се предодреди да игра нерешено во Серија А под водство на Тиаго Мота, бидејќи вчера го видовме деветтиот реми исход на еден натпревар кој го игра „старата дама“ во домашното првенство од стартот на сезоната.

Тимот од Торино се врати од негатива од 0:2 на мечот со Болоња и успеа да се избори за бод, но тоа го направи без својот тренер да биде блиску до клупата.

Мота заработи црвен картон од судијата Матео Маркети, а тренерот на Јувентус по натпреварот призна дека заслужено бил испратен на трибините.

– Маркети со право ме исклучи и треба да се признае тоа. Протестирав премногу, направив гест кој не требаше да го направам и претерав во дадената ситуација.

– Да бидам искрен, кога примивме втор гол, мислев дека натпреварот е готов за нас. Но, покажавме срце и карактер по негативата од 0:2 и тоа е позитивната страна од овој натпревар. Играчите покажаа дека знаат да се носат во тешки оклности и успеаја да грабнат барем еден бод, – изјави Мота.