Мота: Утре играме против тим кој е создаден за титулата во Серија А

Тиаго Мота го прифати првиот голем предизвик во тренерската кариера и го наследи Макс Алегри на жешкото столче во Јувентус, а по брилијантната сезона како тренер на Болоња, има позитивен старт и на клупата во Торино.

Јуве се уште е непоразен од почетокот на оваа кампања и пред неколку дена оставри убедлива победа на стартот во Лигата на шампиони, но сега сите мисли се насочени кон саботното дерби во Серија А во кое силите ќе ги одмеарат тимот на Мота и оној на Антонио Конте.

Јувентус има две реми средби во низа во Серија А и сигурно ќе атакува на победа на домашен терен, но тоа нема да биде воопшто лесно против компактниот и организиран тим на Конте.

– Утре играме голем меч, ќе има многу добри играчи на теренот од двете страни. Сакам да видам што можеме да направиме пред нашите фанови. Го почитуваме противникот, ќе бидеме претпазливи, но планот е да го играме нашиот фудбал. Очекувам играчите да си помагаат еден на друг, само така можеме да стигнеме до победа.

– Фокусирани сме на утрешниот меч, играме против тим кој е изграден да го освои Скудетото. Не треба да се заборави дека тие неодамна ја освоија титулата, и тоа на каков начин. Не смееме да заборавиме какво признание доби Наполи на светско ниво и овој тим е нависитна многу силен. Направија промени, но повторно атакуваат на Скудетото и тоа сите го знаеме. Не треба да се фокусирате на мојот дуел со Конте, утре играат Јувентус против Наполи. Играчите ќе бидат главни актери на теренот, а не ние на клупите. Играчите се тие кои треба да ја покажат својата вредност, – изјави Мота.