Мота потврдил дека Јувентус загуби уште еден важен играч за дербито со Милан

Јувентус им се враќа на клупските обврски со тешко гостување кај Милан, а тренерот Тиаго Мота мораше да се соочи со неколку непријатни информации за време на паузата за настап на националните тимови.

Најпрвин Хуан Кабал заработи тешка повреда на лигаментите и ја заврши сезоната уште во ноември, за потоа проблем да пријави и Душан Влаховиќ и тоа во финишот на дуелот меѓу Србија и Данска во Лигата на нации.

На денешната прес-конференција, Мота потврдил дека повредата на Кабал е големо разочарување, а исто така и дека Влаховиќ ќе го пропушти дербито на „Сан Сиро“.

– Влаховиќ нема да патува во Милано, исто како и Кабал, Бремер, Гонзалес, Даглас Луиз, Аџиќ и Милик кои се повредени.

– Не знам дали Душан ќе биде подготвен за дуелот со Астон Вила, тоа ќе го дознаеме подоцна.

– За жал повредите се дел од фудбалот, сега дојде редот на Влаховиќ. Но, она што е најважно е дека кој и да игра, мора да го задржиме принципот да напаѓаме и да се браниме заедно. Не смееме да му дозволиме на Милан да ја наметне својата игра, бидејќи има многу талентирани фудбалери во своите редови, – рекол Мота.