Мота импресиониран од една ѕвезда на Јувентус: Кога доаѓа на тренинг…

Јувентус има интересен предизвик овој викенд, гостување кај Емполи, тим кој е непоразен во досегашниот дел од шампионатот, тим кој славеше против Рома на „Олимпико“.

Ова доволно говори дека Јуве ќе мора добро да се потруди, испоти за да дојде до посакуваната цел, трите бода. Во таа задача голема улога може да има напаѓачот Душан Влаховиќ кој има добар почеток на кампањата со два постигнати гола.

Србинот е многу ценет од тренерот Тијаго Мота кој уште еднаш посочи какво мислење има за голгетерот.

-Целиот тим мора да му помогне, како што тој мора да му помогне на тимот како што тоа го прави. Задоволен сум од неговата секојдневна работа. Тој носи голем ентузијазам кога ќе пристигне наутро – за себе, за другите, но и за мене како тренер. Многу е интересно да се види како доаѓа наутро бидејќи пристигнува со голема желба и позитивна енергија, обидувајќи се да им помогне на своите соиграчи. Многу сум среќен со она што го прави, -вели Мота.