Мота има една замерка за Јувентус во триумфот над ПСВ

Јувентус ја прекина серијата без победа со важен триумф над ПСВ во Лигата на шампионите, а тоа беше прва победа во елитното натпреварување и за тренерот Тиаго Мота.

„Бјанконерите“ рутински ги освоија бодовите, но Мота вели дека сепак има сериозна замерка за своите фудбалери и тоа е елемент на кој ќе треба да се работи во иднина.

– На денешниот натпревар моравме да играме подобро кога топката беше кај противникот.

– Бевме солидни на моменти, но не во текот на целиот натпревар, мора да го подигнеме нивото и да бидеме поконстантни во тој дел. Сепак ова беше добар резултат како за прв настап, а сега мора да се подготвуваме за следниот дуел, – рекол Мота.

Јувентус веќе во сабота го пречекува Наполи во Серија А.