Мота ги изнасмеа новинарите со ставот околу продажбата на Камбијасо

Тиаго Мота вчера се сретнал со новинарите, истакнувајќи ги своите очекувања за дербито со Милан кое се игра денеска, а тренерот на Јувентус морал да одговара на различни прашања, вклучувајќи ги и тие поврзани со трансфер шпекулациите.

Фановите на „бјанконерите“ се загрижени дека клубот ќе се откаже од Андреа Камбијасо поради атрактивната финансиска понуда од Манчестер Сити, а тренерот Мота индиректно открил дека самиот не може многу да влијае на ваквите одлуки донесени од менаџментот.

Во свој стил, тренерот на Јувентус ги изнасмеал новинарите со искрен одговор околу неговото влијание во однос на одлуките за продажба на играчи.

– Дали изминатиов период побаравте од клубот да не продава некој играч? – гласело прашањето.

– Да, имам побарано такво нешто и тие го продадоа, – одговорил Мота со насмевка на лицето и без да открие детали за кој трансфер станува збор.

❗️”Ha già chiesto in passato alla società di non vendere qualcuno?”

🗣️”Si ho già chiesto e li hanno venduti.”

[ Thiago Motta ]⚪️⚫️ pic.twitter.com/98IttFerGx

— RiD ThE RoCk™️ (@RidTheRock) January 17, 2025