Мота: Фудбалот е динамична игра, а ние со Влаховиќ сме…

Душан Влаховиќ по пауза од еден месец повторно стрелаше за Јувентус и тоа во пресметката со Џенова каде со двата гола му отвори пат на својот тим до сигурен триумф од 3-0.

Србинот е главен голгетер на „старата дама“ и постојано од него се очекуват квалитетни партии, голови кои се повеќе од потребни и најдобра потврда за тоа е што Јуве остана без погодок против Наполи, Рома и Емполи во Серија А.

Имаше доста критики на негова адреса, но тој и тогаш и сега ја има максималната поддршка од тренерот Тијаго Мота.

-Влаховиќ е одличен уште од првиот ден од тренинг кампот. Секако дека на секој напаѓач му е важно да постигнува голови, но фудбалот не е само тоа. Посветен е, дава 100 проценти на секој тренинг и натпревар. И само така треба да продолжи/

-Душан има слобода на теренот. Тој е вистински тимски играч и прави се за да му помогне на тимот. Фудбалот е динамична игра, а ние сме динамична екипа со Влаховиќ, -порача Мота.

Јуве вечерва гостува во Германија кај Лапциг што е секако нова можност за него со одлично издание да испрати нова порака до критичарите.