Моријасу: Шпанија ја имаше топката во своите нозе, но ние имавме нешто поважно

Јапонија заврши на првото место во „групата на смртта“ и успеа да им ја расипе работата на двата големи фаворити за пласман во осминафиналето, а еден од нив елиминираше уште во воведната фаза.

Германија втор мундијал по ред се збогува уште во групите и прерано го завршува Светското првенство во Катар, на кое во нокаут рундата ќе ги гледаме Јапонија и Шпанија.

Јапонците вчера беа во многу лоша ситуација на полувремето кога губеа со 1:0, но потоа одново покажаа карактер како против Германија и со два брзи гола стигнаа до пресврт вреден осминафинале.

– Ја посветуваме оваа победа на цела Јапонија. Оваа победа е производ на напорна работа и упорност. Тимот никогаш не се откажа иако изгледаше тешко. Бевме супериорни кога беше потребно и не се откажавме кога губевме.

– Не ни беше важно што Шпанија ја имаше топката во своите нозе, нашата цел беше да најдеме простор зад нивната одбрана со пресинг и брзина. Шпанија ја имаше топката, но ние имавме нешто поважно. Ние ја имавме брзина и издоминиравме во акциите кои се покажаа како клучни, – изјави јапонскиот селектор, Хаџиме Моријасу.