Мориентес за напаѓачот кој е меѓу најдобрите во Серија А: Тој е идеален за Барселона и за Реал Мадрид

Шпанската фудбалска легенда, Фернандо Мориентес е убеден и верува дека како Барселона така и Реал Мадрид се тимови во кои одлично може да се снајде одличниот аргентински напаѓач, Лаутаро Мартинез.

Лаутаро одигра одлично во досегашниот дел од оваа сезона, даде 16 голови на 31 натпревари, па Барселона сака да го донесе во своите редови, но во последниве денови се појави информација и дека Реал може да се вклучи во трката за неговиот потпис.

-Во Шпанија имавме среќа да уживаме во одлични аргентински играчи и тренери. Тие имаат натпреварувачки ген што е многу тешко да се најде на кое било место во светот. Барселона е многу заинтересирана да го купи, но се зборуваше и за Реал Мадрид, иако повеќе сметам на Барса.

-Тој е многу интересен играч за кој било тим, има многу добар поглед на играта. Тој е еден од најдобрите напаѓачи во светот во моментов и мислам дека може да се вклопи во кој било тим, -порача Мориентес.