Мориентес детектирал важни проблеми кои влијаат на кризата во Реал Мадрид

Реал Мадрид неочекувано се најде во резултатска криза, поради која се зголеми притисокот и врз тренерот Карло Анчелоти, а фановите очекуваат брза реакција и враќање на посакуваното ниво и освојување бодови.

Поранешниот напаѓач, Фернандо Мориентес во својата последна изјава се обидел да ги детектира проблемите на актуелниот Реал и истакнал две работи кои според него имаат негативно влијание оваа сезона.

– Мислам дека клубот го потцени влијанието на загубата на Тони Крос. Тој беше лидер во средниот ред и тоа е кажано многу пати, но како никој да не беше свесен што губиме со неговото заминување.

Вториот проблем е лошата конструкција на ростерот.

– Во големите клубови секогаш очекувам да има по двајца фудбалери за секоја позиција. Тоа значи дека ако планираш да играш 4-4-2, мора да имаш четворица напаѓачи. Во наше време ако не играш добро, го губиш местото, а потоа тренираш понапорно бидејќи сакаш да си ја вратиш позицијата.

– Реал не смее да си дозволи да нема четворица докажани стопери, не можам да замислам дека некој очекува Чуамени да игра во одбраната без разлика на неговата конституција. Исто така не можам да замислам играч од среден ред да игра како напаѓач, тоа се навистина различни улоги, – рекол Мориентес.