Морати за играчот кој не успеал да го доведе во Интер: Не постоеше начин…

Масимо Морати ќе биде запаметен по својот успешен претседателски мандат во Интер, а деновиве е актуелен поради интервју дадено за италијански медиум.

„Кориере дела Сера“ одбележала три децении откако Морати стана претседател на „нероазурите“, а тоа бил повод и за интересни прашања поврзани со периодот кога успешниот бизнисмен раководеше со клубот.

Морати открил за кој фудбалер направил најмногу напори да го доведе Милано, но на крајот се откажал од нереалното сценарио.

– Тоа беше Иниеста.

– Бевме во период во кој уживавме голема популарност, а имавме и голема финансиска моќ, можевме да купиме речиси секого кого ќе посакавме.

– Се обидовме со Барселона, се обидовме со различни пристапи. Дипломатски, со медијатори, со лични разговори, обидувајќи се да започнеме преговори.

– Но, не постоеше начин, тие ќе продадеа било кој освен Иниеста. Можевме да дадеме и луда финансиска понуда, но повторно ќе се вратевме во Милано со празни раце, – рекол Морати.