Морати се огласи за Лаутаро: Барселона испраќа нерезонски понуди

Непредвидената фудаблска пауза која настана поради коронавирусот ги натера фудбалските клубови да разгледуваат опции за летниот преоден рок многу порано од обичното, а во овој изминат период, неколку изјави даде поранешниот мандатар на Интер, Масимо Морати.

Искусниот фудаблски работник кој ја скрои најуспешната етапа во историјата на клубот изјави дека негова желба е да го види Меси во Интер и не исклучи такво сценарио во иднина, но овојпат очигледно се помири со реалноста и порача дека Аргентинецот „не мрда“ од „Камп Ноу“.

Во интервјуто за „Тутоспорт“, Морати нагласува дека го прифатил фактот за останување на Меси на „Камп Ноу“, но од друга страна, не е уверен дека Лаутаро Мартинез ќе одолее на понудата која му ја нуди Барселона.

– Меси е сон за секого, но тој нема да мрдне од Барселона. И ден денеска е подобар од сите други фудбалери, без оглед на тоа колку години поминаа, – вели Морати.

– Во случајот на Лаутаро, се ќе зависи од неговата желба. Барселона испраќа нерезонски понуди, ќе биде тешко да каже „не“, – смета Масимо.