Мората: Трансферот во Милан беше грешка

Алваро Мората го напушти Милан по само шест месеци, а неколку месеци подоцна и самиот признава дека направил грешка минатото лето.

Шпанскиот репрезентативец реши третпат да се врати во Италија, но првпат како член на „росонерите“, а дефинитивната одлука за заминување ја донесе по отказот на тренерот Пауло Фонсека на крајот на 2024 година.

– Фонсека ми се јавуваше секој ден.

– Не требаше да го напуштам Атлетико, но во тие моменти не се чувствував добро, а кога си во таква состојба носиш погрешни одлуки.

– Лошо проценив дека не сум доволно ценет од страна на Симеоне, дури и по забелешките на татко ми и агентот дека носам погрешна одлука.

– Ако можам да се вратам назад, никогаш не би го напуштил Атлетико, но минатото не се менува и сега сум среќен, – вели Мората, кој во јануари се пресели во Галатасарај.