Мората открил зошто решил да го напушти Милан по само шест месеци

Алваро Мората летоска се врати во Италија, но наместо дресот на Јувентус овојпат стана член на Милан и донесе освежување во нападот на „росонерите“.

Сепак, соработката на Шпанецот и италијанскиот великан траеше само една полусезона и тој минатиот месец се пресели во редовите на Галатасарај. Како главна причина, Мората го истакнал отказот за тренерот Пауло Фонсека пред самиот крај на 2024 година.

Мората во последното интервју за „Марка“ открил како ја донел одлуката повторно да ја напушти Италија.

– Заминав во Милан поради тренерот кој покажа голема приврзаност кон мене.

– Но, по неколку месец еден фудбалски проект може да се придвижи во друга насока и тоа само поради фудбалски причини. На крајот, не се чувствував комфорно во тимот бидејќи таму пристигнав поради Фонсека, – открил Мората.