Мората: Ќе бидам подготвен за стартот на сезоната

Алваро Мората во оваа кампања ќе го гледаме во дресот на Милан, тим со кој ги немаше соодветните летни подготовки со оглед на одморот кој го имаше по обврските за Шпанија на Европското првенство.

Напаѓачот дебитираше на вчерашниот пријателски меч против Монца кој „росонерите“ го добија со 3-1. Тој беше активен само во првиот дел, ама притоа порача дека ќе биде подготвен за стартот на кампањата и соочувањето со Торино закажано за в сабота од 20:45 часот.

-Беше прекрасно, им благодарам на сите навивачи кои дојдоа овде на жештината и ни приредија одлична атмосфера. Имав само два тренинзи со тимот, но мислам дека ќе бидам подготвен и во добра форма за почетокот на сезоната, -истакна Алваро кој запрашан за тоа дали можат да бидат конкурентни за Скудетото тој одговори:

-Носењето на овој дрес ве принудува да бидете конкурентни за победа. Не постои формула за успех. Никој не сака да се соочи со Милан, треба да работиме повеќе и да ги постигнеме нашите цели, -порача засилувањето за калчолигашот.