Мората и Окафор спасуваа, проектот на Фонсека стартуваше со реми (Видео)

По киксот на Интер во воведната рунда во Серија А, доста тежок меч одигра и Милан, со тоа што „росонерите“ дури и се спасуваа од сигурен пораз во самата завршница од мечот.

Торино се покажа како цврст орев и исклучително незгоден тим за фаворитот, па на крајот гостите останаа без два од трите бода кои ги имаа во џеб само поради падот во концентрацијата.

Автоголот на Тиа и погодокот на Дуван Запата беа солиден капитал за гостинскиот тим, но така не мислеа двајцата напаѓачи на Милан кој на крајот ја спасуваа работата за Фонсека.

Португалскиот стручњак беше на раб од пораз на премиерата какоо тренер во Серија А, меѓутоа такво нешто не дозволија Мората кој постигна деби гол во дресот на Милан, како и Окафор кој стрелаше за 2:2.

Шпанецот погоди за 1:2 во 89-та минута, додека Окафор се најде на вистинско место за реми во 95-та минута.

Видеото погледнете го ТУКА