Мората е најефективен напаѓач во Топ 5 европските лиги

Алваро Мората е главен виновник за одличниот офанзивен ефект на Атлетико Мадрид сезонава, а статистиката вели дека е и најефективен напаѓач во најквалитетните пет европски лиги.

„ОПТА“ го пресметала процентот на постигнати голови од упатените удари на сите фудбалери, при што шпанскиот репрезентативец има најдобар просек.

Мората претворил во гол 43,75% од упатените удари кон противничките голови и е единствен фудбалер со резултат од над 40 проценти во овој статистички показател.

Втор на листата е членот на Волфзбург, Јонас Винд со 38,1 проценти, а интересно, на петтото место е Џуд Белингам со реализација од 32 проценти.

Хари Кејн е нешто подобар со ефективност од 33,33 проценти, Килијан Мбапе е на само 25 проценти, додека Ерлинг Халанд засега има лош просек и претворил во гол само 17,78% од упатените удари.

Мората покрај водството овој статистички показател, може да се пофали и како најефикасен европски напаѓач од почетокот на сезоната и поради вкупно десетте гола кои ги реализираше за клубот и репрезентацијата.