Морант го провоцираше тренерот на Бруклин и предизвика конфликт меѓу двете клупи (Видео)

Мемфис успеа да оствари убедлива победа над Бруклин во натпревар од НБА лигата одигран утринава, а овој дуел беше одбележан и со расправијата меѓу двете клупи.

Повод за такво нешто беше дрскиот потег на Џа Морант, откако првата ѕвезда на Мемфис реши да го прослави кошот со звукот на сирената на крајот на полувремето во лице на противничкиот тренер, Жорди Фернандез.

Ja Morant anotó anoche sobre la bocina y lo celebró en la cara de Jordi Fernández 🤔pic.twitter.com/643pudWeHz

— Pasion Basket (@PasionBasketNBA) December 14, 2024

Шпанецот не му возврати на Морант, но пред крајот на средбата домашниот табор испорачал уште една провокација кон гостите, па настана и мешаница во која се вклучија и Денис Шрудер и домашниот тренер Тејлор Џенкинс.

Морант, Шрудер и Џенкинс добија технички грешки за своето однесување, а Фернандез по натпреварот изјавил дека е изненаден од однесувањето на Морант.

– Никогаш нема да разговарам со противничките кошаркари и очекувам противничките кошаркари да не разговараат со мене.

– Ако не сакаат да се однесуваат коректно, тоа е нивна одлука, но она што се случи беше целосно непочитување, – истакнал тренерот на Бруклин.