Мончи избрал тројца фудбалери кои би ги купил ако има неограничен буџет

Астон Вила е активна во овој преоден рок, а деновиве топ тема е продажбата на Џон Дуран во Саудиска Арабија, трансфер од кој премиерлигашот ќе профитира сериозно и првично изнесува 77 милиони евра.

Спортскиот директор Мончи во интервју за „Кадена СЕР“ зборувал на актуелни теми, а меѓу другото бил прашан и кои тројца фудбалери би ги ангажирал доколку неговиот клуб има неограничен буџет.

Шпанецот избрал две имиња од Ла Лига и еден фудбалер од Премиер лигата, па донекаде очекувано се одлучил за врвно трио кое би го посакало секој тренер.

– Ако треба да ангажирам крилен напаѓач, би се одлучил за Ламин Јамал, затоа што тој ќе одбележи една фудбалска ера.

– Во однос на напаѓачката позиција, би се одлучил за Халанд, јас сум негов голем фан, додека во средниот ред би го избрал Џуд Белингам. Ми се допаѓа неговиот профил на фудбалер, можеби е и најкомплетниот фудбалер во однос на сите делови од теренот кои ги покрива, – рекол Мончи.