Мончи: Ако го удрев Иско, веќе немаше да може да игра фудбал (Видео)

Иско Аларкон доживува втора фудбалска младост во Бетис и целосно успеа да се препороди на „Бенито Вилјамарин“, и тоа во ситуација кога претходно имаше исклучително ужасна етапа на другиот крај од Андалузија.

Поранешната ѕвезда на Реал неколку месеци остана без клуб откако буквално беше избркан од Севилја, сценарио во кое на големо се пишуваше дека Иско дошол и до физичка пресметка со тогашниот спортски директор.

Популарниот Мончи беше истакнат како човек кој физички го нападнал и го повредил Иско во инцидентот кој избил, па иако поминаа три години од таа ситуација, истата е доста актуелна за фановите во градот.

Навивачите на Севилја сега уште повеќе го оправдуваат потегот на клубот во ситуација кога Иско стана главна ѕвезда на лутиот ривал, а еден од нив успеа да сними и неверојатна изјава од Мончи додека актуелниот директор на Астон Вила се шетал во Андалузија.

– Можеш да замислиш што ќе се случеше ако навистина го удрев. Јас не го удрив Иско, ако дојдеше до тоа, веќе немаше да игра фудбал.

– Не заборавајте дека ние ја освоивме седмата титула во Лигата на Европа откако го избркавме Иско, – му вели Мончи на фанот на Севилја кој претходно му се заблагодари за тоа што физички го нападнал Иско.

Bético intenta reírse de Monchi y sale trasquilado pic.twitter.com/kXD7FiDnsD

— Mividaa.SFC 💥 (@mivida_sfc) March 23, 2025