Монца блиску до ангажман на повремен италијански репрезентативец

Монца ги засилува своите редови за настапот во Серија А, а сопственикот Силвио Берлускони дал зелено светло за уште едно потврдено име.

Се работи за повремениот италијански репрезентативец Стефано Сенси, кој во новата сезона ќе биде позајмен во Монца од редовите на Интер.

Првиот оперативец на клубот, Адријано Галијани, веќе добил зелено светло од Интер за ангажман на Сенси во текот на една сезона, а останува уште фудбалерот да го потврди договорот преку своите агенти.

Сенси последната сезона настапуваше како позајмен играч во Сампдорија.

Монца веќе го претстави искусниот Андреа Ранокија како засилување за следната сезона.