Монако ја потврди разделбата со Субашиќ

Францускиот прволигаш Монако вечерва потврди дека голманот Данијел Субашиќ си заминува од кнежевството по цели осум години.

Субашиќ во недовршената, а прекината сезона го загуби првотимскиот статус поради доаѓањето на Бенжаман Лекомт, што дефинитивно беше пресудно да донесе одлука за разделба со Монако.

– Монако го потврдува крајот на авантурата на Данијел Субашиќ, кој беше еден од најважните играчи нашите успеси последните осум сезони и еден од најдобрите голмани во историјата на клубот, – објави клубот на социјалните мрежи.

Субашиќ беше вистински погодок на Монако, настапуваше за оваа екипа и во втората лига, а освои и една титула во француското првенство.

Со хрватскиот голман во тимот, тимот од кнежевството стигна до полуфиналето на Лигата на шампионите во 2017 година, а таа сезона беше избран и за најдобар голман во Лига 1.