Поврзете се со нас

Лига Европа

Момент кој не се забележа во ТВ преносот: Играч на Севилја изведе пенал без да гледа (Видео)

Објавено

на

Foto:twitter.com/SevillaFC_ENG

Севилија покажа дека е вистинска кралица на Лигата на Европа и стигна до седмата титула во ова натпреварување, откако вчеравечер во Будимпешта се врати од негатива и имаше повеќе нерви во пенал рулетот.

По регуларните 90 минути, едноставно не се играше фудбал во продолженијата и стана јасно дека победникот ќе се решава во пенал рулетот, кој пак беше отворен на навистина луд начин.

Лукас Окампос беше прв изведувач на ударите од 11 метри и прв ја преземе одговорноста кај Севилја, а она што не се виде во прв момент во ТВ преност е доста интересно.

Аргентинецот покажал неверојатна храброст при изведувањето на пеналот, бидејќи воопшто не гледал во топката и испратил поглед настрана пред да го измами Руи Патрисио.

Овој потег на Окампос стана вирален хит меѓу навивачите на Севилја, но доста споделувана е и неговата изјава. Аргентинецот имаше многу тешка и чудна сезона, која ја започна на позајмица во Ајакс, а потоа се врати на средина на сезоната за да освои пехар.

– Имав многу тежок период. Само јас и моето семејство знаеме колку страдав. Пред неколку месеци, тренирав само во младинскиот тим на Ајакс. Беше многу тешко, но фудбалот ви дава можност за одмазда. Пред три месеци тренирав сам, а сега станав европски првак, – изјави Окампос.

Реклама
Реклама
Реклама

Популарни