Моќна партија на Адетокумбо за триумф на Милвоки, Далас продолжи да победува без Дончиќ

Вашингтон успеа да го предизвика фаворитот Милвоки на гостински терен, но немаше решение за расположениот Јанис Адетокумбо, кој испорача моќен трипл-дабл настап, со кој му пресуди на противникот.

Грчкиот репрезентативец го заврши дуелот со 42 поени, 12 скокови и 11 асистенции, а најблиску до него реализаторски бил Лилард со 25 поени. На спротивната страна доминирале Пул и Брогдон со 31, односно 29 поени.

Далас обезбеди нова победа без Лука Дончиќ во тимот, а Кајри Ирвинг ги предводеше Маверикс до триумф на гостувањето кај Јута.

Ирвинг постигнал 30 поени на оваа средба, додека Гримс го завршил натпреварот со 24 поени.

Феникс ги израдува своите фанови со солиден настап и победа против Голден Стејт, на натпревар на кој Букер стигна до 27 поени, Дурент уфрлил 21, додека Кари бил најдобар реализатор на „воините“ со 23 поени.

Шарлот – Атланта 104:107
Детроит – Филаделфија 96:111
Милвоки – Вашингтон 124:114
Фeникс – Голден Стејт 113:105
Јута – Далас 94:106