Поврзете се со нас

Олимписки игри

МОК ја одреди делегацијата која ќе ја претставува Македонија на ЗОИ во Пекинг

Објавено

на

По одржаните Летни Олимписки игри во Токио, македонскиот олимписки комитет се подготвува и за она што следува во Пекинг, односно Зимските Олимписки игри.
МОК оваа вечер излезе со информација за учесниците кои ќе ја претставуваат Македонија на големото случување во Пекинг, кое ќе се одржи наредниот месец од 4-ти до 20-ти февруари.
– Врз основа на комуникација со ФИС (Меѓународната скијачка федерација) и ИОК (Меѓународниот олимписки комитет), МОК информира дека македонската Олимписка делегација која ќе учествува на зимските Олимписки игри ПЕКИНГ 2022, кои ќе се одржат во периодот 4-20 Февруари 2022 година, ќе биде составена од следните спортисти:
– Ана Цветановска – Крос кантри – ФИС код 3755009 (тренер Борче Јовановски) – 126,98 ФИС поени / дисциплини 7,5 км слободно плус 7,5 км скијатлон и 10 км класично (настап на 5 и 10 Февруари).
– Дардан Дехари – Слалом – ФИС код 750089 (тренер Антонио Ристевски) – 58,50 ФИС поени / дисциплини слалом/велеслалом (настап на 13 и 16 Февруари).
– Ставре Јада – Крос кантри – ФИС код 3750031 (тренер Борче Јовановски) – 63,77 ФИС поени / дисциплини Спринт слободно 1,5 км и 50 км слободно (8 и 19 Февруари).
Македонското знаме на церемонијата на отварање на зимските Олимписки игри ќе го носат Ана Цветановска и Дардан Дехари.
Олимписката делегација која ќе биде водена од страна на спортскиот директор на МОК, Владимир Богоевски за Пекинг ќе тргне на 29 Јануари, а во Скопје ќе се врати на 21 Февруари.
Реклама
Реклама
Реклама

Популарни