Поврзете се со нас

Англија

Мојс за непријатната глетка на полувреме: Ги разбирам фановите…… (Видео)

Објавено

на

Foto:twitter.com/WestHam

Вест Хем го претрпе најголемиот пораз во својата клупска историја на денешниот натпревар против Арсенал, откако „чеканите“ беа целосно уништени од момците на Микел Артета.

Тимот од Северен Лондон славеше со 0:6 и испрати уште една јасна порака дека е подготвен да се бори за титулата, додека од друга страна пак, притисокот повторно почна да расте врз Дејвид Мојс кој влезе во последните месеци од договорот со клубот.

Раководните луѓе на Вест Хем се уште размислуваат дали да му понудат нов договор, но добар дел од навивачите веќе ја загубија довербата во него и денеска го испразнија стадионот уште на полувреме.

Илјадници фанови си заминаа од трибините по четирите гола кои беа примени пред крајот на првиот дел, а тоа придонесе да видиме и непријатни глетки од пред стадионот.

– Не заборавајте дека го победивме Арсенал 0:2 на крајот на месец декември, ова е истиот тим, но едноставно не бевме на потребното ниво. Не треба да се суди толку лошо после еден пораз. Тврдам дека клубот е во многу подобра состојба од она кога јас дојдов првиот ден. Се боревме за опстанок, а сега сме далеку од такво нешто. Бевме шести  и седми во лигата, игравме полуфинале во Лига европа, игравме финале во Конференциската лига и клубот расте изминативе години.

– Денеска имавме ужасен ден и можам да ги сфатам навивачите кои си заминаа на полувреме. Знам дека чувството е лошо, но ова беше само еден лош ден. Секој може да има лош ден на работа, тоа ни се случи нас денеска. Нема брзо да го заборавиме овој пораз, но ќе направиме се за да се вратиме посилни. Ништо не ни одеше како што сакаме, бевме слаби во одбрана и налетавме на расположен противник, – изјави Дејвид Мојс.

Реклама
Реклама
Реклама

Популарни