Мојс шокиран од одлуката во корист на Јунајтед: Ова е фрустрирачки за гледање (Видео)

Евертон испушти предност од 2:0 против Манчестер Јунајтед на „Гудисон парк“ и на крајот мораше да се задоволи со освоен бод, но мора да се признае дека домаќините имаа доволно причини за разочарување за испуштените два бода.

„Карамелите“ успеаја да се реактивираат по двата примени гола во вториот дел, па кога се чинеше дека се изборија за пенал во 93-та минута, следеше голема ВАР драма на „Гудисон парк“.

Ешли Јанг беше повлече од Матијс Де Лихт и се чинеше дека има потребни елементи за најстрога казна, па иако Енди Медли првично покажа на белата точка, главниот арбитар во продолжение беше премислен од луѓето во ВАР собата.

Судиите од подтрибинскиот простор му го покажуваа само контактот со Мегваер и целосно го занемарија влечењето од Де Лихт, па на крајот Медли ја измени одлуката и Евертон остана без пенал.

– Навистина не можам да разберам како може да се случи вакво нешто. Де Лихт го влечеше Јанг за дрес. Судијата донесе добра одлука на теренот и требаше да се држи до неа.

– Секој што гледа фудбал очекуваше одлуката да остане иста, но на крајот не беше така. Сите знаеме зошто ВАР беше воведен во нашата игра, но во оваа ситуација воопшто не требаше да биде инволвиран. Беше фрустрирачки да се гледа сето ова, едноставно не треба да минете неказнети кога сте го влечеле противникот за дрес, – се пожали менаџерот на домаќините, Дејвид Мојс.