Модриќ во последен момент отпадна од протоколот за полуфиналето во Џеда

Реал Мадрид е голем фаворит против Мајорка во денешното полуфинале во шпанскиот Суперкуп, натпреварување во кое вчера го дознавме првиот патник во финалето.

Барселона го совлада Атлетик Билбао во Џеда и си обезбеди билет за завршното сценарио, па сега речиси сите фудбалски фанови посакуваат „Ел Класико“ пресметка во финалето.

Мајорка ќе има тешка задача да ги спречи разиграните ѕвезди на Карло Анчелоти во последно време, но на неколку часа пред финалето, стана познато дека Италијанецот нема да може да смета на еден важен член од првиот тим.

Лука Модриќ ги промени текот на настаните на последното дерби против Валенсија на „Месталја“ веднаш по влегувањето во игра, но Карло вечерва нема да има таков луксуз поради болест на Хрватот.

Реал Мадрид како клуб извести дека Модриќ е изолиран од првиот тим поради вирусен процес, па останува да се види дали ќе успее навреме да се опорави доколку тимот обезбеди финале и закаже пресметка со Барселона.

Parte médico de Modrić.#RealMadrid

— Real Madrid C.F. (@realmadrid) January 9, 2025